Жирэмсний дасгалын ач холбогдол
- Жирэмсний дасгалыг тогтмол, идэвхтэй хийснээр мэдрэл, булчингууд, үе мөч амарч сэргэх бөгөөд уян хатан байдал нэмэгдэж, бүх биеэр тархах энергийн урсгал, эрч хүчийг нэмнэ.
- Дасгал хийгээд илүү ачаалал аваад харин ч эсрэгээрээ ядарна гэж ихэнх хүмүүс боддог боловч тогтмол, идэвхтэй дасгалд явж байгаа ээжүүд илүү хөдөлмөрийн бүтээмжтэй, эрч хүчээр дүүрэн байдаг.
- Жирэмсний нойргүйдлээс сэргийлэх хамгийн энгийн арга бол тогтмол, идэвхтэй дасгал хийх. Дасгал хөдөлгөөн хийж цусны эргэлтээ хурдасгаснаар нойргүйдлийг та мартах болно.
- Ээж тогтмол идэвхтэй дасгал хөдөлгөөн хийж байвал гэдэсний гүрвэлзэх хөдөлгөөн ч мөн адил илүү сайн байна. Өөрөөр хэлбэл өтгөн хаталт баяртай.
- Жирэмсний хугацаанд ихэнх эмэгтэйчүүдэд ядарч сульдах, тайван бус болох, нуруу чилж өвдөх, хөл гар бадайрах, хавагнах, шөрмөс татах, булчин зангирах г.
- Тогтмол идэвхтэй дасгал хөдөлгөөн хийснээр тархинаас аз жаргалын даавар ихээр ялгарч стресс багасна.
- Жирэмсний үеийн чихрийн шижинд өртөх эрсдэлээс сэргийлж, хэт том хүүхэд төрөхөөс хамгаална.
- Иогийн дасгалыг тайван, намуухан орчинд ямар ч таагүй зүйл бодохгүйгээр анхаарлаа төвлөрүүлэн хийвэл бүх бие амарч, тайвшран, цусны эргэлт сайжирч улмаар урагт очих цусан хангамж нэмэгддэг.
- Дасгал бүрийг зөв амьсгалын техниктэй хослуулж хийх нь хүүхдэд очих хүчилтөрөгчийн хэмжээ нэмэгдэж, хүүхдийн өсөлт бойжилтод эергээр нөлөөлнө.
Жирэмсэн ээж та бяцхан үрийнхээ төлөө өөрийгөө хайрлаарай
#азжаргалтайжирэмслэлт
#азжаргалтайгэрбүл
#bestmothermongolia